"Pag-ibig --- Pitong Letra, Isang Salita" by Andrea Tan

Pitong letra, isang salita. 
Isang salita na may napakalalim na kahulugan. 
Napakalalim na sa oras na mahulog ka, napakahirap nang umahon pa. 
Napakalalim na minsan ay nakakalunod na. 





Pitong letra, isang salita. 
Isang salita na puno ng hiwaga at misteryo. 
Isang salita na kayang punuin ang kalamnam mo ng paru-paro. 
Isang salita na kaya kang paniwalain sa mga pantasya. 




Pitong letra, isang salita. 
Isang salita na 'tila bawat isang tao sa mundo ay may kanya-kanyang interpretasyon at kahulugan.
Interpretasyon at kahulugan na hindi sa diksyunaryo makikita. 
Interpretasyon at kahulugan na base sa napagdaanan at eksperiyensya. 



Pitong letra, isang salita. 
Isang salita na ikinukumpara sa isang bagay kung minsan, 
Pero sadyang napakahirap ilarawan. 
Pagkat ito'y isang bagay na 'di basta-basta nakikita ng mata. 



Pitong letra, isang salita. 
Isang salita na hindi ko alam kung saan nga ba nagmula. 
Sa isip ba? 
O sa puso talaga? 





Pitong letra, isang salita. 
Isang salita na puno ng alaala. 
Mga alaala na 'di malilimutan. 
Alaala na naging parte na lang ng nakaraan. 



Pitong letra, isang salita. 
Isang salita na may iba't ibang paraan para ipakita at ipadama. 
Isang salita na kulang kung walang gawa, 
Na siyang magpapatibay at magpapatotoo sa nadarama. 




Pitong letra, isang salita. 
Isang salita na kayang iparamdam sayo ang iba't-ibang pakiramdam sa mundo. 
Saya, lungkot, sakit, Kayang paghalu-haluin nito sa ilang segundo. 
Kayang ibahin ang ikot ng iyong mundo. 



Pitong letra, isang salita. 
Isang salitang nagbibigay kalakasan, 
Pero siya ring nagiging kahinaan, 
Lalo na kapag puso ang higit na pinairal kaysa isipan. 




Pitong letra, isang salita. 
Isang salita na kayang mawasak ang puso mo sa napakaraming piraso, 
Pero siya ring bubuo rito, 
At magbibigay kulay sa buhay mo.



Pitong letra, isang salita. 
Isang salita na may tatlong pantig. 
Tatlong pantig na napakadaling bigkasin kung tutuusin, 
Pero kung minsan ay napakahirap ihayag at aminin. 




Pitong letra, isang salita. 
Isang salita na inuugnay kay Kupido. 
Isang salitang nauugnay din sa salitang sakripisyo. 
Lalo na kung ang tadhana niyo pala ay hindi pwedeng magtagpo.  






Pitong letra, isang salita. 
Isang salita na pwedeng mabasag ka. 
Isang salita na tulad ng isang pangako, minsan ay napapako, 
Dahil sa kaugnay na responsibilidad na inaako. 





Pitong letra, isang salita. 
Isang salita na tulad ng isang malokong laro. 
Laro na pwede kang madapa, masugatan, o mapaso. 
Isang salita na tulad ng isang sugal ay pwede kang matalo. 



Pitong letra, isang salita. 
Isang salita na nag-uugnay sa mga tao. 
Isang salita na siya ring naghihiwalay sa mga ito. 
Isang salitang nagbibigay saya, ngunit nagbibigay din ng sakit. 




Pitong letra, isang salita. 
Isang salitang napakatamis, pero minsa'y nagiging mapait. 
Isang salitang minsa'y akala mo'y totoo, 
Pero ikaw pala'y naloloko.

Mga Komento

Mag-post ng isang Komento

Mga sikat na post sa blog na ito

"Pangarap Lang Kita" --- Spoken Word Poetry by Andrea Tan

Hindi ko alam kung paano sisimulan ang tulang ito,  Ni hindi ko alam kung bakit ba kita ginawan ng ganito.  Pero siguro kasi,  Kasi gusto kong malaman mo 'yung totoong nararamdaman ko para sa'yo.  At ngayon, sisimulan ko na ito.  Sisimulan ko na sa kung paanong noong unang beses kitang nakita ay nakuha mo na agad hindi lang ang atensyon ko, kundi maging ang puso ko. Sisimulan ko na sa kung paanong noong unang beses kitang nakita ay nahulog na agad ako.  Nahulog na agad ako.  At hindi ko alam kung paano makakaahon mula rito,  O kung makakaahon pa ba ako. Tandang-tanda ko pa ang petsa nang una kitang makita.  Ika-labing tatlong araw ng Hunyo taong ika-dalawang libo't labing lima.  Sabado iyon ng hatinggabi,  Nang una kitang makita sa TV.  Umuulan pa nang oras na iyon  At malabo pa ang telebisyon,  Pero nagtiyaga ako.  Nagtiyaga ako kasi nakita kita.  Nagtiyaga ako tulad ng kung gaano ako ...
Magbasa nang higit pa

"Pilit" --- a Spoken Word Poetry by Andrea Tan

Naaalala mo pa ba Sinta,  Kung paanong tayong dalawa ay nagsimula?  Nasa isang sulok ako noon sa kwarto at nag-iisa,  Nang bigla kang lumapit at nagpakilala.  Noong una ay ayaw kong tanggapin,  Iniisip ko, baka kasi ikaw lang ay nagpapapansin.  Pero nagpumilit ka.  Nagpumilit kang magpakilala kahit ayaw ko.  Nagpumilit kang alamin ang pangalan ko.  Nagpumilit kang makipagkamay ako sa'yo.  Nagpumilit ka.  Nagpumilit kang pumasok sa buhay ko.  Nagpumilit kang maging kaibigan ako.  Nagpumilit ka. Nagpumilit ka. Nagpumilit ka di ba?  Pero ngayon nasaan ka na? Naaalala ko, sobrang inis na inis ako sa'yo noong mga panahong iyon.  Ang kulit-kulit mo kasi.  Kahit saan ako magpunta, naroroon ka.  Sunod ka nang sunod na parang aso.  Dikit ka nang dikit na parang linta.  Naiinis na ako!  Ilang beses na kitang pinalayo.  Pero aaminin ko. Aaminin ...
Magbasa nang higit pa

"Patawad" by Blessel Tumulak

Patawad ang salitang bibitawan ko sayo mahal, Patawad dahil paulit-ulit akong nangangako sayo na kailanman hindi kita iiwan , Ngunit mahal ang kapatawarang ito ay aking pinagbabayaran , Dahil bakit? Sayo ko lang nagawa ang kasalanang ito. patawad ! patawad! patawad! Dahil ako'y nagkasala sa iyo. Patawad dahil sinaktan ko ang puso mo. Patawad dahil ang bawat minuto ng buhay mo ay aking binulabog. Binulabog ng kasalanang ako ang dahilan ng ating paghihiwalay. Mahal patawad. Patawad dahil paulit-ulit akong nagkakasala sayo. Patawad dahil sakin ika'y nagdurusa at nalulumbay. Patawad sa mga panahong ako ang iyong saya na nagpapagising ng iyong umaga. Patawad dahil naging parte ako ng mundo mong napakasay. Patawad dahil ako ang dahilan ng iyong kalungkutan na kailanman ay hindi ko na maibabalik dahil sa aking nagawa. Patawad mahal dahil ginawa mo akong mundo sa puso mo. Patawad na lamang ang isusukli ko sa iyong kabutihan para sakin. Patawad mahal hindi ko ...
Magbasa nang higit pa